जानिराखौँ के हो "चैतलो पर्व"?

हुम्लामा मनाइने स्थानीय पर्व "चैतलो"

हुम्लामा मनाइने स्थानीय पर्व चैतलो विशेषगरी सिमकोटमा मनाइने गरिन्छ। वसन्त ऋतुको सुरुवातसँगै मनाइने यो चैतलो पर्व स्थानीय संस्कृति झल्कने पर्वका रूपमा लिने गरिएको छ। यो बिशेषतः महिलाको चाडका रुपमा लिइने भएपनि चैतलो पर्व मनाउन पुरुषले पनि महिलालाई सहयोग गर्ने गर्दछन्।

यो पर्वको छुट्टै विशेष धार्मिक महत्व रहेको छ जसमा स्थानीय महिला भेला भएर सार्वजनिक रुपमा पुजा गर्ने ठाउँमा मङ्गल गान गाउनाले वर्षभरि सुख शान्ति तथा समृद्धि प्राप्त हुने धार्मिक विश्वास रहेको छ। आफूसँग भएका गरगहना र स्थानीय पहिरनमा सजिएका महिलाले गीतबाट देवीदेवताको आराधना गर्छन्। यसबाट गाउँमा बालीनाली सप्रने मात्र नभएर रोगव्याधी पनि नलाग्ने पौराणिक मान्यता रहेको छ। 

कला र मधुर स्वरका धनि महिलाको नेतृत्वमा गाउँ भरिका महिला बिहानैदेखि अनिवार्यरुपमा गित गाउन चोली र पहेंलो रङको बर्खेि तथा आफूसँग भएका गरगहनामा सजिने गर्छन्। ती महिलाहरु जेष्ठताका आधारमा गोलाकार लाइनमा बसेर गित गाउनाले यसको विशेष महत्व छ। बेलुकीपख धामीझाँक्री आएर पूजापाठ गरेर सिला हाल्ने गर्छन् र साथसाथै यस पर्वमा युवादेखि वृद्धसम्मले देउडा गाएर रातभरि जाग्राम बस्ने गर्छन्।
Collected and Edited by: Shraddha Shrestha
For further improvement you can suggest in the comment section below. Thank you!